១.ដោះថ្មចេញៈ នេះជារឿងសំខាន់បំផុត។ ការខូចខាតភាគច្រើននៃទូរស័ព្ទដែលចូលទឹកគឺបណ្ដាលមកពីតំណខ្សែ ភ្លើងដែលប៉ះគ្នា ដូច្នេះការដោះថ្មចេញឲ្យបានឆាប់បំផុតវាអាចបង្ការការឆ្លងចរន្ត អគ្គិសនីដែលនាំឲ្យខូចខាតដល់ទូរស័ព្ទដៃរបស់អ្នក។
២.ដោះស៊ីមចេញ (ប្រសិនអាច) ស៊ីមទូរស័ព្ទមិនសូវមានបញ្ហាចោទនោះទេ ប៉ុន្តែត្រូវប្រាកដថាវាស្ងួតសិនចាំប្រើប្រាស់ឡើងវិញ។
៣. រុះរើគ្រឿងចេញៈ ប្រើវីសដើម្បីដោះគ្រឿងទូរស័ព្ទចេញម្ដងមួយៗ។ យ៉ាងណាមិញការធ្វើបែបនេះអាចនាំឲ្យបាត់បង់សុពលភាពលើការធានា ប៉ុន្តែយ៉ាងណាក៏វាប្រសើរជាងការដែលអ្នកគ្មានទទួលបានផលអីសោះ ព្រោះទូរស័ព្ទចូលទឹកក្រុមហ៊ុនគេមិនធានាជួសជុលជូននោះទេ។ ម្យ៉ាងវិញទៀតហេតុផលដែលអ្នកត្រូវរុះរើគ្រឿងគ្រៅចេញនោះ ក៏ដោយសារតែវានឹងធ្វើឲ្យទូរស័ព្ទអ្នកឆាប់ស្ងួត។ តែបើមិនដូច្នេះទេទឹកដែលដក់នោះ នឹងស្ថិតក្នុងទូរស័ព្ទដៃអ្នកជាច្រើនសប្ដាហ៍ជាមិនខាន។
៤.សម្ងួតទូរស័ព្ទៈ កម្ដៅនឹងធ្វើឲ្យទឹកឆាប់ស្ងួត។ ដាក់ទូរស័ព្ទឲ្យនៅក្រោមភ្លើងអំពូលចង្កៀងរយៈពេល ១ ឬពីថ្ងៃ ប៉ុន្តែកុំទុកវាឲ្យក្ដៅខ្លាំងពេក គ្រាន់តែម៉ាក្ដៅល្មមបានហើយ។ កម្ដៅខ្លាំងអាចធ្វើឲ្យវាកាន់តែខូចលើសដើម។ មួយទៀតអ្នកក៏អាចប្រើកង្ហារដើម្បីសម្ងួតវារយៈពេលមួយ ឬពីរថ្ងៃផងដែរ។
៥.ការតេស្តលើទូរស័ព្ទៈ ក្រោយរយៈពេលពីរបីថ្ងៃ ទូរស័ព្ទដៃរបស់អ្នកប្រហែលជាស្ងួតល្មមអាចប្រើប្រាស់បានឡើងវិញ ហើយ។ រៀបផ្គុំទូរស័ព្ទ ដាក់ស៊ីម និងថ្មឡើងវិញ។ ប៉ុន្តែបើវាមិនដំណើរការណ៍ នោះទេ វាប្រហែលមកពីថ្មហើយ ដូច្នេះអ្នកត្រូវជំនួសថ្មថ្មី ប្រសិនបើទូរស័ព្ទរបស់អ្នកនៅដំណើរការណ៍ធម្មតា។
ចងចាំថារាល់ ពេលដែលអ្នកសម្រេចចិត្តអនុវត្តដូចវិធីសាស្ត្រខាងលើនេះ ត្រូវពិនិត្យមើលការធានាពី ក្រុមហ៊ុនឲ្យបានគ្រប់ជ្រុងជ្រោយជាមុនសិន ហើយត្រូវប្រាកដថាអ្នកបានចងចាំនូវរបៀបផ្គុំវាឡើងវិញឲ្យបាន ត្រឹមត្រូវ ហើយអ្វីៗអ្នកត្រូវទទួលខុសត្រូវដោយខ្លួនឯង៕
សង្ឃឹមថា អ្នកមិនធ្វើរឿងរ៉ាវទាំងនេះកើតឡើងម្ដងទៀតនោះទេ។
ដោយ៖ Sabay News Online
0 comments:
Post a Comment