បើទោះជា យុទ្ធនាការផ្សព្វផ្សាយពីគ្រោះថ្នាក់នៃការជក់បារីត្រូវធ្វើឡើង យ៉ាងខ្លាំងនៅទូទាំងពិភពលោកក្ដី ក៏ការជក់បារីនៅតែជាមូលហេតុចម្បងដែលមានអត្រាមរណៈខ្ពស់ បើគិតទៅគឺសម្លាប់មនុស្សជិត ៦ លាននាក់ក្នុងមួយឆ្នាំ។ នេះបើផ្អែកលើទិន្នន័យពីអង្គការសុខភាពពិភពលោក។
“ប្រសិន បើគ្មានការហាត់ឃាត់ទៅលើការផ្សព្វផ្សាយពាណិជ្ជកម្មថ្នាំជក់ ការធ្វើប្រម៉ូសិន និងការឧបត្ថម្ភនានាទេនោះ យុវជនវ័យជំទង់ និងមនុស្សវ័យក្មេងជាច្រើននឹងបន្តប្រើប្រាស់ថ្នាំជក់កាន់តែ អាក្រក់ជាងមុនថែមទៀត”។ នេះជាការគូសបញ្ជាក់របស់លោកវេជ្ជបណ្ឌិត Margaret Chan នាយកគ្រប់គ្រងទូទៅនៃអង្គការសុខភាពពិភពលោក។
មន្ត្រីជាន់ខ្ពស់ស្ថាប័នដដែលបន្តថា គ្រប់ប្រទេសទាំងអស់មានទំនួលខុសត្រូវដើម្បីការពារប្រជាជនរបស់ ខ្លួនពីជំងឺ ពិការភាព និងមរណភាពដែលពាក់ព័ន្ធនឹងថ្នាំជក់។
ក្នុងចំណោមអ្នកស្លាប់ដោយថ្នាំជក់ក្នុងឆ្នាំនេះមាន ៥ លាននាក់ជាអ្នកជក់ផ្ទាល់ ខណៈជាង ៥ សែននាក់ផ្សេងទៀតស្លាប់ដោយការហិតផ្សែងបារីពីគេ។
ការប្រើប្រាស់ថ្នាំជក់ត្រូវគេជឿថា បានបណ្ដាលឲ្យមនុស្សស្លាប់ប្រហែល១០០ លាននាក់ក្នុងសតវត្សទី ២០៕
By: Rika
Your Visit is Your Help
0 comments:
Post a Comment